VIRTVTI SAPIENTIA COMES

Virtus est, vitium fugere: & sapientia prima,
Stultitia caruisse.

Virtus est iram cohibere, cupiditatem compescere, libidinem refraenare. Nam fere omnia, quae iniuste atque improbe, ab his oriuntur affectibus.

Proximos ipsi tamen occupavit
Pallas honores.

Quae stultitiam fugiens, virtutis soror est & comes.

Sapiens animus numquam est in vitio, numquam turgescit, numquam tumet, numquam sapiens irascitur.