Fortes creantur fortibus et bonis,Natura, quae semper ad optima quaeque vertit, Virtutem insitam Minervae commendat educandam. Sola nobilitas, quae sanctis vestita moribus, laudanda: nihil est nobile quod vitiosum. Quis enim generosum dixerit hunc, qui indignus genere est, & praeclaro nomine tantum insignis?
Est in iuvencis, est in equis patrum
Virtus: neque inbellem feroces
Progenerant aquilae columbam.
Doctrina sed vim promovet insitam,
Rectique cultus pectora roborant.
Utcumque defecere mores,
Dedecorant bene nata culpae.
... quid mens rite, quid indolesNutrita faustis sub penetralibus
posset?