Carm. III 2
Virtus repulsae nescia sordidae
Intaminatis fulget honoribus
Nec sumit aut ponit securis
Arbitrio popularis aurae
Serm. I 6
populus nam stultus honores
Saepe dat indignis et famae servit ineptus,
Et stupet in titulis et imaginibus.
Virtus nullius rei indiga, manet immota; Fortunam pedibus
premens, Honores ac Divitias despiciens, sola sibi ipsi merces atque amplissimum
est praemium. Suntque eius species variae: Pietas, Iustitia, Prudentia, Fortitudo,
Magnanimitas, Temperantia &c.
Claudiani in consulatum Manlii.
Ipsa quidem Virtus pretium sibi, solaque late
Fortunae secura nitet, nec fascibus ullis
Erigitur plausumve petit clarescere vulgi;
Divitiis animosa suis, immotaque cunctis
Cladibus, ex alta mortalia despicit arce.
ad emblema posterius | ultimum
ad
indicem emblematvm