LYCOPHRONIS CASSANDRA IAMBICO CARMINE TRANSLATA 
                   PER IOSEPHVM SCALIGERVM IVLII F.

                     

                   rursus eas     primae paginae imaginem videas (jpg 350Kb)      canteri epitomen legas


                   Quæcunque poscis, vltima ex origine
                   Planè expedibo: sed tamen prolixiùs
                   Parcas loquenti; non enim virgo, vt priùs,
                   Secura soluit multiplex os carminum,
5                  Sed & tumultum murmuris multi ciens,
                   [a] Superstitiosa fauce bacchata est sonum,
                   Tenebricosæ verba Sphingis æmulans:
                   Quorum memor mens quæ mihi nunc suggerit,
                   Adverte Rex, putansque mente singula,
10                Percurre [b] dictionum inobseruabiles
                   Scrutans camenas, quâ expedita semita
                   Ad planam ineptos ducit errores viam.
                   Ego at solutis carcerum repagulis
                   Verborum obibo flexuosos tramites,
15                Primum propulsans oppidum, vt cursor celer.
                        Matuta Fagutalis arcis culmina
                   Citis superuolabat alis Pegasi,
                   [c] Cascum maritum proximè Cernem insulam
                   Toro relinquens, bigenerem fratrem tuum:
20                Tranquillaque [d] ocris concaui ancoralia
                   Nautæ luebant, atque tonsillæ [e] tenus:
                   Puellicidam & vermigradæ [f] Salaciam
                   Scapis ruebant è [g] columbariis suis
                   Ciconiuestes pupulæ Phalacriæ,
25                Vltra Calydnas ventilantes palmulas,
                   Puppemque, passimque explicata [h] oraria,
                   Phrenetici Septentrionis flatibus:
                   At ipsa lymphata ora soluens cælitùs,
                   Ates ab altis peruagæ bouis iugis,
30                Cassandra tali voce primitùs fremit:
                        Heu heu cremata lacrymosa patria,
                   Primùm quidem feralibus Trinoctij
                   [i] Stlatis gigantis, ore quem quondam suo
                   Consi vorauit campo [j] manduces canis,
35                Qui viuus vstus excauator viscerum
                   Intra lebetis ignis expertes focos
                   [k] Formo capronas verticis fudit solo,
                   Prolis peremtor, patriæ pestis meæ:
                   Matri secundæ qui volanti cuspide
40                Detersit vber, inque Circi puluere
                   Quinquertionis membra patris sustulit
                   Saturnium ad cacumen, vbi terra sati
                   Formido equorum cespes Ischeni tumet:
                   Salsas [l] Triquetri qui latebras æquoris
45                Toruè obsidentem semifeminam canem
                   [m] Stinxit, rapinis imminentem piscium
                   [n] Gumiam boum leænam, adustis quam pater
                   Membris, lucernis corporauit igneis,
                   [o] Mortam haud pauentem sedis inferæ deam:
50                Quem cautè inermi fraude quondam mortuus
                   Extinxit, olim iam Quietali agnitum.
                   Heu té ne rursus, tén' crematam contuor
                   Vetusti ab armis Æaci, atque Tantali
                   Rogo sepultis intra Letrinam ossibus
55                Pulli igne [p] subuerbusti ad impiam dapem,
                   Telis bubulci Teutari volucribus.
                   Riualis vxor cuncta in oras luminis,
                   Legans [q] parectatum minantem patriæ,
                   Producet efferata patrijs probris,
60                Dirísque nuptiis peregrini tori: at
                   Salubrium cata vnguinum incurabile
                   Vulnus mariti conspicata pristini
                   Giganticidis interemti spiculis
                   Ab hoste, saltabit ruinam comparem,
65                Falis ab altis ad cadauer saucium
                   Corpus ruina cernuum in præceps ruens:
                   Et tunc recentis icta amore mortui,
                   Iam palpitanti spiritum afflabit uiro.
                   Duplex tuum triplexque bellum conqueror,
70                Ad arma rursus & rapinas ædium,
                   Tuíque te ignem contueri incendij.
                        Heu patria, & vos busta nati Atlantidis
                   Audacter vrinantis olim, cum cute
                   Suta reuinctis corpus, vtre scorteo,
75                Et solus, vt aper quadrupes Hercynius,
                   Rhithymniatis nauit vt larus fretum,
                   Zerinthi hiatum virginis Canariæ
                   Linquens, Deûmque tecta Lucumonum Saum:
                   Cùm corruebat omnem humum Diespitris
80                Rapax aqualis nimbus, & putres solo
                   Falæ fatidicentes lababant, at genus
                   Hominum natabat vltimo periculo,
                   Ad fagum, & almum fructum, & vuam musteam,
                   Orcæque, tum Delphines, atque masculûm
85                Phocæ insilibant in toros mortalium.
                        Adest adest fax inuoluta incendio,
                   Prædam in columbæ morte multandæ canis,
                   Vultur palustris quam edidit satu suo
                   Testæ rotundæ conuolutam fornice.
90                At hospitalis infera vnda remigem
                   Te [r] muricidam, nec bucerdam in patrijs
                   Caulis prementem scrupeis adhuc manet,
                   Et antè pulchritudinis trium arbitrium:
                   Sed pro mapalibus tu Aselli mattias,
95                Et Lan obibis: pro boum præsepibus,
                   Ouilibúsque, próque rustico pedo,
                   Vehet faselus te & Phereclij pedes,
                   Festras gemellas inque Gythii iuga,
                   Vbi ad scabrosa saxa pandatos luens
100               Pinus tenaces lubrici dentes freti,
                   Classem vniuelem liberalis motibus.
                        Et tu virosæ prædo iunicis lupus
                   Orbæ duarum iam columbarum pari,
                   Cassis peregrinæ in secundam indaginem
105               Vltro incidentis aucupis pennæ dolo,
                   Dapem ambidentum nuper in crepidine
                   Bacchis cremantis atque diuæ Albuneæ,
                   Curres super Scandeam & arces Ægili,
                   Venator atrox, præda opima ganniens:
110               Explensque amores in Draconis insula
                   Actæ, biformis editi terra imperî,
                   Vanam secundò non videbis [s] Murtiam,
                   Vlnarum inanem sarcinam, eque somnijs
                   Vacua torum nocturnus explorans manu.
115               Nam te Phlegręæ iam maritus coniugis
                   Tristis Torones, abdicator risuum
                   Et lacrimarum, namque nescit, & caret
                   Vltroque qui olim littoralem ex Thracia
                   Fecundi opimatam [t] Melonis fluctibus
120               Humum penetrans non trabe stlataria,
                   Inhospitale sed iter, vt cubilia
                   Terræ in profundos talpa pertundens specus,
                   Quærens recessus in cauernis æquorum,
                   Cauénsque natos perduelles hospitum,
125               Et audiendas supplicans patri preces,
                   Redux vt iret patriam, vnde peruagus
                   Matrem gigantum adiuerat Palleniam:
                   Tete ille Guneus quæstor vrnæ vindicis,
                   Sagacis arbitérque Solis filiæ,
130               His nuptijs priuabit incilans probris,
                   Pellens ab omni iure [u] prosedæ lupæ.
                   Qui nec Lyci sepulcra nec Chimærei
                   Oraculorum voce venerantes timens,
                   Nec illecebras Anthei, nec hospitum
135               Dapum sodalem, filium Consi, salem,
                   Deûm tulisti transilire sagmina,
                   Mensámque calcans, ius supinans & bonum,
                   Fetæ modum secutus vrsæ incicorem.
                   Ergo stupentes frustra tundes neruias,
140               Egentia & ieiuna fundens carmina:
                   Sed flens abibis patriam incensam priùs,
                   Exangue spectrum baiulans vlnis tuis
                   Iam quinquenuptæ Thyados Pleuroniæ.
                   Satæ [v] cataces namque Carmentæ mari
145               Iam panuclis neuêre trinis, coniuges
                   Thalassiones quinque celebrare illius:
                   Duos quidem videre prædones lupos
                   Catè intuentes præpetes immussulos:
                   Plyni & Libyssæ, Caricíque gurgitis
150               E stirpe cretum semicreta barbarum,
                   Et verè Epeum, nec quidem Argiuum satu,
                   Cuiús que auum quondam in molaribus suis
                   Hercynna Educa, quæ gerit [w] secespitam,
                   Fartim minutal frendicans, tumulo indidit,
155               Humeri vorax epulata cartilaginem:
                   Quem dudum adultum virbium, & cupidines
                   Graues cauentem nauium promi dei,
                   Misit Terentus in Letrinæ iugera
                   [x] Ocrin paratum præterire Molpidis
160               Lustrale cæsi corpus Imbrico Ioui:
                   Socer in ruinam qui trucidauit procos
                   Iussis nefandis, quæ Camili filius
                   Parauit: ille poculo exhausto vltimo,
                   Cognomini sepultus est Salacia,
165               [y] Suasam suis labem insipans natalibus,
                   Suræ [z] petillæ Psyllan aurigans equum,
                   [aa] Picatæ & Harpinnam parem vngula Strigi.
                   Tandem illa quartum fratrem adhuc tuebitur
                   Circanei [bb] acceptoris: ille è fratribus
170               Pugnæ secundum acerrimæ palmarium
                   Tulisse tunc canetur, atque in stragulis
                   Quintum anxijs insomnijs exercitum
                   Iactabit atro imaginis ludibrio,
                   Sponsum futurum [cc] Angitiæ Cytaicæ
175               Ardentis hospitem: quem ab Oenona exulans,
                   Vertens in hominum membra formicas breues,
                   Pelagiscum Typhona produxit pater,
                   Septem è puellis torridis [dd] forma lice
                   Superstitem vnum vindicatum ex ignibus.
180               Reciprocam ille sed remanabit viam,
                   Vespas suis è pumicetis exciens,
                   Quasi puer vapore suffiens domum:
                   Et cæteri Burri Duellinominis
                   Flabris inuencam [ee] tabulis cædent popæ,
185               Matrem draconis [ff] incientem Scyrij:
                   Quam sæpe conjunx Salmydesium salum
                   Intra requirens immolatricem hospitum,
                   Spumifragam insulam obsidebit Candidam,
                   Celti liquentes ad paludes gurgitis,
190               Amore sponsæ, cerua quam volucripes
                   Iugulum propinans eximet secespitæ,
                   Spaciosus intra littus appellabitur
                   Solus mariti cursus in crepidine
                   Sortem gementis atque classem cœlibem,
195               Et non videndo membra mutatam modo
                   [gg] Cascam, cruentum vas prope & libamina,
                   Orcíque flammam exuberantem funditùs
                   Cortinam ahenam, quam atra flabit, mortua
                   Cadauera elixans coquinatu improbo.
200               Et ille obibit eiulans campum Scythen,
                   Procans amoris quinque [hh] circites torum:
                   Illi ante acerras auguris Saturnij
                   Deglutientis cum parente filios
                   Secunda iurantes fidusta sagmina,
205               Tonsarum amicient remiges [ii] stropis manus,
                   Bacchúmque sospitem & prioris vindicem
                   Luctus canentes, cui obscuris cauis
                   Delphorum [jj] Apertæ ad antra Lucrini dei
                   Abstrusa liba Tauriformi offeret
210               Classis tremendæ mille prætor nauium.
                   Cui gratiam sacri nouam [kk] redandruans
                   Nefrondinosus Esquilinus Lucius,
                   Leoni ademto prandio, implicans rubis,
                   Segetem vetabit eruisse funditus
215               Vasto molari [ll] mattijsque querqueris.
                   Cerno sequacem iam [mm] napuram luctuum
                   Mari trahentem & conserentem patriæ
                   Minas feroces & malorum incendia.
                   Camillus Issa nec vtinam in circumflua
220               Te procreasset hostium nostrûm ducem,
                   Quartum satum ex Atlante [nn] destina coui,
                   Tuis parantem damna cognatis Prylin,
                   Sagax aruspex verè ad omnia optima:
                   Patérque iussus Æsaci fanatici
225               Non improbasset signa noctis [oo] arcula,
                   Cælasset vno sed duos pro patria
                   Fato, perurens membra Lemnio rogo:
                   Non tot malorum nunc procella surgeret.
                   Portumnus en cernet [pp] nefrendum carnifex
230               Feruere mergis spartisirpeis anum
                   Glauci Terenti coniugem Titaniam.
                   Cum patre bina dissipantur pignera,
                   Ducis molari lancinati [qq] coclaca:
                   Quæ fabulonis apparata fugerant
235               Vanis loquelis aluei discrimina,
                   Cui cuncta credens ille tortor liberûm,
                   Mergorum alumnus, pisculentæ compedis
                   Præda, ostreis valgísque Naritis comes,
                   Fetus gemellos clusit vno [rr] ploxeno:
240               Cumque his miser non matris ediscens deæ
                   Præcepta Mnamon, sed veterno obliuius,
                   [ss] Suppus recumbet, pectus ense saucius.
                        Nunc nunc gemit Myrina, nunc præsentiunt
                   Hinnitum equorum littorales margines,
245               Vbi Pelasgum lubricæ saltum [tt] pedæ
                   Librans crepidine vltima fremens lupus
                   Fontis creabit è saburra gurgitem,
                   Olim recludens ociosa flumina.
                   Iam culta vastat arua Mars Salisubsulus,
250               Reciproco cruenta signa murice
                   Edens: palàm omnis vasta tellus nunc iacet,
                   Horretque crebris vt seges noualium
                   [uu] Sicilicibus corusca: luctuum mihi
                   Pinnis imago aures ab alti personat,
255               Coui serescens omne peruolgans [vv] fretum
                   A feminarum vice, scissis vestibus
                   Luctus sequaces mutuò capientium.
                        Sed illud illud te, ô cor, infelix malum
                   Illud lacesset omnibus crudelius,
260               Vbi fremiscens [ww] celibari cæsius
                   Versam rapax sanqualis inscribens humum,
                   Vruo
Þue lirans orbitam anfractu viæ,
                   Horrendum acutus ore clangorem ciens,
                   Fratrum tuorum filium carissimum
265               Ptoi parentis ex humo susum auferens,
                   Artus cruentans vngue & immani gena,
                   [xx] Tifata patria tabo & arua polluet,
                   Bubulcus imporcitor ampli iugeri.
                   Et libripens trionis occisi stipem
270               Ferens [yy] aginæ examinatam lancibus,
                   Et rursus æquipondium redhostiens
                   [zz] Rodi micantis in statera auraria,
                   Bacchi iacebit funeratus amphora,
                   Fletusque Nymphis inquilinis Bephyri
275               Superque Pimpleam petræ Libethriæ,
                   Cadauerum propola, qui fatum tremens
                   Effeminatam corpori pallam induet,
                   Incilia tractans staminumque insubulos:
                   Tanget supremus [aaa] vinciam hostilem pede,
280               Te, frater, vnum vel pauens in somnijs.
                   Qualem heu rues, Fortuna, luctantem domus,
                   Patriæ caducæ subtrahens tibicinem.
                   Non absque lacrymis atque lesso riserit
                   Impunè latro Doriensum exercitus,
285               Vitulans ouanter morte confecti viri:
                   Sed circa puppes vltimo [bbb] aucto spiritus
                   Excurso, amaris ignibus cremabitur,
                   Iouem Fugulem plurima incalens prece
                   Amara fata concremato auertere.
290               Nec agger aut nauale propugnaculum,
                   Nec crebribus pluteus, atque scansilis
                   Non iuuerit lorica, non pinnarum opus,
                   Sed fumo vt [ccc] axe conglobatæ apiculæ,
                   Vaporis aura, torriumque verbere:
295               E puppe rostrisque atque rostrorum foris
                   Crebri petauristæ, & sedilibus suis
                   Saltu peregrinam cruentabunt humum.
                   [ddd] Procosque multos Græciæ palmatium
                   Hastas ferentes, inclutos prosapia,
300               Tuæ feroces morte mactabunt manus
                   Tabo cruentæ, amore belli asperrimæ.
                   Sed ipsa luctum non minorem perferam,
                   Tuo per omne mœsta tempus funere.
                   Nam dira mî illa dira lucescet dies,
305               Grauissimusque luctuum, anni quos senes
                   [eee] Circum rotantes Noctilucæ viderint.
                        Heu heu gemendus & mihi flos est tuus,
                   O puelle, dulcis heu parentum sarcina,
                   Amore sæuum qui dracontem saucians
310               Et illice igni, sauciumque compede
                   Grata coercens tempus ingratum breue,
                   A saucio non ipse saucius tamen,
                   Truncatus aram tu cruentabis patris.
                   Sed heu misella, par benignum virginum,
315               Tuumque bruta conqueror fatum canis:
                   Quarum sororem terra nutrix alteram
                   Hiulca deuorabit infero specu,
                   Adulta proximè intuentem incommoda,
                   Quam latè auitus lucus, & bustum lupæ
320               Iacet sepultæ adulteræ cum filio,
                   Priusquam opem mulgeret infans lacteam,
                   [fff] Assæque mundo rore corpus vngeret.
                   Sed cruda te ad sponsalia & connubij
                   Sacra admouebit durus Iphidis leo,
325               Atræ parentis æmulatus februa.
                   Namque in capacis ventre mactans nauiæ
                   Bouem infulatam draco [ggg] cupencus impius,
                   Iugulæ tripatris cædet hanc [hhh] clunaculo,
                   Priora confedusta dans hirpis sacra.
330               At mancupatam te in supino littore
                   Thracum lapitam funditorum iactibus
                   Conuiciosis percitorum iniurijs
                   Abscondet imber saxeus manualium,
                   Pulla hirriente membra mutatam cane.
335               Ast ad bidental Anxuri domestici
                   Ornabit albis [iii] antijs crepidinem
                   Sororis olim lutea calautica
                   Redemtus, vstam cùm rediret patriam,
                   Vetus tenebris nomen obruens suum,
340               Vbi rupex hirsipilus ignes indices
                   Terræ parentis ile manceps perfidus
                   Lucens, caballum gente prægnantem hostica
                   Pertundet, altas ventris impages trahens:
                   Et Sisypheæ volpis astutus cato
345               Lucebit ardens triste lucubrum nepos
                   Leucophryn atra nocte nauigantibus
                   Infaticidæ & insulas duas boæ.
                   Ast ipsa abhorrens pronubas tædas ego
                   In ædis atræ scrupeis conclauibus
350               Tecto carentis & lacunari domus
                   Tenebricoso membra mergens carceri,
                   Ptoúmque Semonémque Vortumnum Deum
                   Fugans amore captum ab innupto toro,
                   Tanquam potis [jjj] signata perpetim fore
355               Summæ ad senectæ tempus, innubæ æmulo
                   Ritu Mineruæ Carneæ Feretriæ:
                   Ad volturis columba tunc raptim torum
                   Exanguis ales vngue picato trahar,
                   Clangore multo Acredulam Bupetiam
360               Calans rapinæ nuptialis vindicem.
                   Ast illa signis aspero palatio
                   Puppas coruscans cælitùs minabitur,
                   Lapsa ex [kkk] falanto patrij solo Iouis,
                   Auo imperanti nobilis possessio,
365               Vnius ob noxam orba mille liberûm
                   Tumulos inanes conqueretur Græcia,
                   Non in sepulcris, sed maris fundo sitos,
                   Rogi supremum non tegentes puluerem
                   Vrnis latentem, vt iusta denicalia:
370               Sed triste nomen, atque cespitum notas
                   Parentum amicis irrigatas fletibus
                   Et liberorum lacrumis & coniugum
                   Ophelta, tuque rupium custos Zarax,
                   Petræque, tu Trychanta, tuque asper Nedon,
375               Et saxa Dirphossi omnia & Diacriùm
                   Specus hiantes atque Phorcynis iuga,
                   Quot fluctuantum nenias cadauerum
                   Cum dissipatis audietis puppibus:
                   Quantum tumultum murmurum infrænabili
380               Reciprocantem vorticum spumas salo:
                   Quot deinde thunnos saucij compagibus
                   Ad saxa fractis verticis, quos cælitùs
                   Noctu rubentes [lll] manubiæ [mmm] obstitos prement,
                   Vbi flore iam vertiginosis Liberi
385               Lucebit indicem tenebrarum facem
                   Vltor nocenti peruigil curæ studens.
                   At hunc vt amburuantem aquis Alcedinem
                   Per saxa iniqua velitem fluctus feret
                   Actum procellis inter aras [nnn] duplices.
390               Gyrís que siccans in petris alas mari
                   Multo madentes, alterum mare hauriet
                   Perpessus ictus à tridente fuscina,
                   Qua dirus illum vulnerans vltor Latro
                   Orcis habere coget æqualem domum,
395               Vano cucullum blattientem [ooo] pipulo.
                   At luridum cadauer expulsum foras
                   Delphini aprica concoquet Canicula,
                   Passúmque in algis inque musco putridum
                   Miserata condet vna Nesęæ soror,
400               Opitula [ppp] abadir maximi Cynæthei:
                   Bustúmque coturnicis vdæ proximum
                   Tremens cauebit murmur Ægæi sali.
                   Tunc ille Castniam & Melinæam deam
                   Proscindet audax [qqq] Vragi in palatio,
405               Quæ laciet illum rete inextricabili
                   Furore nec furore, vetùm Erinnyum
                   Tendens amarum compedem fatitraham,
                   Omnísque mœstum Græcia eiulabitur,
                   Quamcunque Aræthus intus atque inhospitæ
410               Fauces coercent Dotij Libethriæ:
                   Quibus meæ vel ad paludis inferæ
                   Ripam diu sunt lacrumandæ nuptiæ.
                   Nam plurimarum ventre funerabitur
                   Serratidentum fauce camparum abditum
415               Examen ingens, hospités que in hospite
                   Terra subibunt hasta cognatis procul.
                   Nam ripa quendam Strymonis Bisaltia
                   Absinthiorum proxima atque Bistonum
                   Vesticipis altorem optimum Edonos propè
420               Teget prius Tymphresta quàm cernant iuga,
                   Suo parenti plurimùm inuisum omnium,
                   Qui fecit illum cæcilium, oculos forans,
                   Cubile spurium quando iniuit pellicis.
                   Tres Cercaphi spelunca casnares teget
425               Olim sepulcro non ab Alenta procul:
                   Molossi olorem præscium Insinui Cubi,
                   Scrofæ incientis nescientem delicos,
                   Cum caprifici lite compellans cata
                   Vatem æmulum, ipse falsus ex oraculo
430               Somnum [rrr] Teniris præstitutum dormiet:
                   Quartúmque magni liberorum Dijouis,
                   Fratrem dolosi Æthonis in fictis notis:
                   Et tertium ligone Thebarum falas
                   Aheneo demolientis filium,
435               Quem Strebulus olim Consus agili discidit
                   Pilumnus ora dissipans [sss] sudaculo,
                   Vbi creatæ Nocte germanos patris
                   Ad vnum amorem mutuæ armarunt necis.
                   Duo at scatentis ad fluenta Pyrami
440               Deræni ouantes vertagi icti mutua
                   Depræliabunt cæde barritum vltimum
                   Subtele in ipso virginis Pamphyliæ.
                   Altús que rumon sulcus in meditullio
                   Stabit Megarsus cespitum nitentium,
445               Vtne in profundus inferûm sedilibus
                   Imbuta cernant busta cædibus sua.
                   At quinque dehinc Cerastiam in Vespariam
                   Et bitientes Satrachum & Siluani humum,
                   [ttt] Iusta manebunt Murtiam Zerinthiam.
450               Vnus parentis exulans conuicijs
                   Cychrei cauernis Bocaríque flumine,
                   Meus sobrinus, vt peremtor patrij
                   Pulli, nothum propagmen & labes domus
                   Rabiem vomentis bellicosam ouilibus,
455               Raui leonis quem pilis horrens cutis
                   [uuu] Runis tegebat æneis imperuium,
                   Obnoxiam vnam possidentem semitam
                   Ad fata, quam vagina cælabat Scythæ,
                   Cum durus adolens sacra Comyro leo
460               Suo parenti fatus est claras preces,
                   Immussuli vlnis subrumum gestans suis.
                   Nec ipse credat hoc parens, quòd Lemnium
                   Fulmen duelli, nescius turpis fugæ
                   Trio efferatus hospitum infensissimi
465               Traiecit ile munere, vrinans ferum
                   Saltum tepentis ensis ad promtam necem:
                   Fratremque Trambeli ille patria exigit,
                   Cognata patris quem parit nixu suo
                   Donata præda dirutori mœnium,
470               Quam pro frequenti ciuium comitio
                   Ferale glauco prandium suasit cani
                   Misisse linguax virginum trium pater,
                   Omnium marino terram inudanti luto,
                   Siquando fluctus expuisset faucibus,
475               Sorbens procellis omne decumanis solum.
                   Nepam sed ille fauce pro pupa vorans,
                   Partus maligni questus est onus graue.
                   Venator adiens at secundus insulam
                   Vt expeditè consulat malis suis,
480               Indigena socius epulo liberis [vvv] Viræ,
                   Priscis Lupercis atque Nyctimi coquis
                   Lunam ante natis, filiam glandis dapem
                   Torrere suetis in calentibus focis,
                   Euiscerabit, & medullitùs trahet
485               Ligone glebas, omne vestigans specum,
                   Cuius necauit bronchus Oetæus patrem,
                   Ad verticillas ilis artus lancinans:
                   Adagionem hunc sensit accepto malo,
                   Quòd plurima inter poculum & labrum solet
490               Vertisse fatum res agens mortalium,
                   Et tabe manans ora spumanti, occidens
                   Solocisetus imminentem vlciscitur,
                   Salij coercens [www] incito statu volam,
                   At tertius tollentis ex caua petra
495               Natus [xxx] neronis arma, cuius in torum
                   Idæa iunix sponte conscendet sua,
                   Quæ viua Auerni obibit vmbras, questubus
                   Et lacrumis confecta Muniti parens,
                   Quem torta Crestonæ anguis in venatibus
500               Necabit, acrem cuspidem infligens pedæ,
                   Vbi parentis collocabit in manus
                   Captiua patris auia furtiuo satum
                   Amore pullum, cui iugum solæ hosticum
                   IecSre seruitutis Actæi lupi
505               Hostimen, atque Bacchæ ademtæ gratiam,
                   Quorum rotundæ testulæ cæsus tholus,
                   Munimen ictus hostici, caput teget.
                   Intacta vermiculata claxendix domos
                   Seruabit alias, incolis stupenda res:
510               Quod templa ad alta siderumque [yyy] subiices
                   Ducet duos Lapersios medioxumos,
                   Quos numquam in orbem Iuppiter sospes meum
                   Duxis biprædem liberaturos subim:
                   Nec vel celoces instruentes classium,
515               E puppe summa nudipes vestifium
                   Hostes vetusto Bebrycum infigant solo:
                   Neque hos leones anteuntes viribus,
                   Duri duello, quos que Mauors armiger,
                   Quos Nerienes, Capta quos amat dea
520               Boum Iuga, & Curitis Homolois dea.
                   Hæc quæ cluentes arte fabrica duo,
                   Querquetulanus, Consus & Cromnæ imperans,
                   Struxere quondam peieranti principi,
                   Crudis diem vnum vix lupis suffecerint
525               Vim fulminantis impetus depellere,
                   Quamuis in arcibus Canastræum grauem
                   Giganta, constans hostium repagulum,
                   Habentia, atque certa primùm verbera
                   Vibrare promtum lancinatori gregis,
530               Et cuius iras primus accendet graues
                   [zzz] Acceptor acer, lubricum saltum citans,
                   Flos ipse Graiûm, cui Dolongorum elegans
                   Olim sepulcro ripa defuncto parat
                   Rumona cornu prominens peninsulæ.
535               Accedet insperatus, accedet tamen
                   Nobis amicus sospes vnus, Drymnius
                   Deus Promantheus Æthiops Gyrapsius,
                   Qui bitientem quando Mutunum atrijs
                   Nocentem amaræ pestis admittent reum,
540               Et quos acerba, quos que rerum asperrima
                   Manent, dape atque inferio libamine
                   Mactare conabuntur immitem Crepum,
                   Grauem tumultum ponet in conuiuio.
                   Primúmque amara voce sese mordicus
545               Frendent, frementes improbis gannitibus:
                   Tandémque cernent patrueles prælio,
                   Vt consobrinis nuptiarum auerterent
                   Pusis rapinas, furta patruelium,
                   Sponsaliorum propter immunem vicem.
550               At tela certè multa Cnecei alueus
                   Vibrata nisi vulturum intuebitur,
                   Res mira Pheræis & auditu aspera.
                   Hic namque corno stipitem pullæ cauum
                   Fagi retundens, opprimet duûm alterum,
555               Tauro leonem conserentem prælium:
                   Alter sibynna dissipans tauri latus,
                   Affliget hunc solo, hunc secundo verbere
                   Reciprocabit vt coniscans [aaaa] aruigus,
                   Cippum caducum busti Amyclæi ruens.
560               Simulque ferrum fulgurumque vortices
                   Fortes [bbbb] patales [cccc] hostient, quorum vnius
                   Non vel Sciastes Orchieus Telphusius
                   Manum improbarit, quãdo cornu tenderet.
                   Summanus hos Dis, hosque cœli fornices
565               Grata dierum semper excipient vice,
                   Fratres amicos, compotes vitæ & necis.
                   Illorum at arma sopiet nobis Deus,
                   Paruum leuamen in malis hoc largiens:
                   Multorum & ingens agmen excibit manu,
570               Quos Rhœæ alumnus non tenebit spiritus
                   Mulcens, nouenum tempus in magna insula
                   Manere nexos imperans oraculis,
                   Tres multa cunctis virgines [dddd] alebria
                   Præbere mandans qui cacumen Cynthium
575               Errore peruagantur Inôpum propè
                   Ægyptias [eeee] Melonis electantem aquas.
                   Progerminator quos petulcus erudit
                   Adorearum ritè pilumnas opum
                   Vinumque facere vel linimen vnguinum,
580               Neptes Zarecis vinitorculas aues
                   Quæ sæpe solabuntur hospitum canum
                   Famem furentem exercitus, cum venerint
                   Ad filiæ Sithonis vda littora.
                   Atque ænearum panuclarum stamine
585               Olim librarunt ista virgines anus.
                   Cephasque tum Praxander, vllis nauibus
                   Non imperantes, plebis obscurum genus,
                   E quinque quarti post petent terram deæ
                   Golgos tenentis, hic Lacona exercitum
590               Ductans Theraphnis, alter autem ab Oleno
                   Dyméque Buræi imperator agminis,
                   At Argyrippam, Dauniorum [ffff] hæredium,
                   Ad Ausoniten [gggg] extruebit Phylamum,
                   Aues sodales membra plumantes videns
595               Fatis amaris, qui natatum aquatilem
                   Degent in alto more piscantum mari,
                   Similes figura cæsijs oloribus:
                   Rostrisque spumas aucupantes piscium,
                   Ducis tenebunt insulam cognominem,
600               Theatriformis inque clitellis iugi
                   Vicos secantes perque distinctas vias
                   Iunctis tabernis quo priùs Zethus modo:
                   Simulque pastus & simul cubilia
                   Noctu rebitent, gentis omnem barbaræ
605               Cœtum cauentes, inque Græcorum peplis
                   Cognati amantes ocium cicur sinus:
                   Manuque ab [hhhh] insipante pultem prandij
                   Offam polentæ blandum adulantes edent,
                   Vitæ prioris non adhuc obliuij.
610               Verùm Liburnæ vulnus, erroris vagi
                   Erit minacumque causa luctuum,
                   Procax virosa cùm catulliet lupa
                   [iiii] Asilo amoris, & bidental Nortiæ
                   Defendet ipsum, victimam noui sacri.
615               Colossicusque in Ausonum pomœrijs
                   Stans, fabra sistet membra saxeo super
                   Campsoris Architectonis statumine,
                   Saxis, saburra nauis, eductis foras:
                   Arbitrioque fratris Alæni obrutus,
620               Veras preces precabitur noualibus,
                   Seiæ nec [jjjj] agnas vnquam adoreas dare,
                   Aquis opimante arua substillis Ioue,
                   Ni fortè quidam Ætolus vrgens stirpitùs
                   Proscindat arua, sulcum arans trionibus:
625               Cippís que latè cinget immotis humum,
                   Quos glorietur nemo vi mortalium
                   Statu mouere posse, nam cita fuga
                   Ipsi reciprocam redibunt semitam,
                   Gradu prementes nec gradu littus sali.
630               Deúsque multis indiges vocabitur,
                   Quicunque brutum littus Ionis tenent,
                   Cæso dracone noxio Phæacibus.
                   Gymnasijque retrogradi circumfluis
                   Renoniuestes applicantes, indigum
635               Victum iuuabunt inuicem orbiuestibus,
                   Fundus bipedibus membra defensi tribus:
                   Vbi rudimen verberabtis eminus
                   Artis puellos mater impransos docet.
                   Nam nemo panem dentibus frendet priùs,
640               Quàm capsit illum pendulum certo [kkkk] lapi,
                   Super tigillo destinati ictus notam.
                   Iniqua scrupis & recedent littora
                   Hispana, Tartessi fretum tangentia,
                   Arnæ vetus propago, Temmicum duces,
645               Graiam expetentes & Leontarnes iuga,
                   Scolúmque, tum Têgyran, Onchesti solum,
                   Fluenta Themodontis, Hypsarníque aquas.
                   In Syrtin alios & Libystica æquora,
                   Et breuia, & Infernatis æquoris vada,
650               Et semipiscis gurgites nauifragos
                   Olim interemtæ vestipellis dextera
                   Sangi Bubulci Fouij Stercutij,
                   Inque alta saxa virginum volucrium
                   Dispalitantes, lancinatos cruditus,
655               Opacus omnes Tellumo venabitur,
                   Multis ruinis obrutos, ex mortuis
                   Vno relicto nuncio sodalibus,
                   Delphinisigne, fure Punicæ deæ.
                   Qui vasta raui coclitis magalia
660               Videbit, aheno maximo [llll] calpar meri
                   Manu propinans, poculum bellarium:
                   Videbit & quæ liquerat cadauera
                   Præstanus Auerruncus armorum cluens,
                   Qui rutro adunco runcinantes omnia,
665               Nectent foratam reste prædam mugilum.
                   Atque alius alium sæuus excipiet labor
                   Labore semper pristino ferocior.
                   Quæ non Charybdis mortuorum explebitur,
                   Quæ non Erinnys, semiuirgo bestia:
670               Quæ non Camena, carnifex bimembrium,
                   A etolis aut Curetis, artus liquier
                   Suadebit aura flexanima immemores cibi:
                   Vel quam ferarum non fabram intuebitur,
                   Atrox venenum farre miscentem excetram,
675               Fatúmque monstriforme. sed miserrimi
                   Sortem gementes atque palantes haris,
                   Miscella semper cum polenta floccium
                   Acina, facesque deuorabunt: ast eum
                   Herba atque Manus vindicabit obuius
680               Nonacriates Vinulus Triceps deus.
                   Et mortuorum regna descendet caua,
                   Atque inferum rogabit apricum augurem,
                   Coitus virorum & feminarum conscium,
                   Vmbris hianti sanguinem obsipans solo:
685               Ensisque trux munimen, inferis metum,
                   Vibrans, trementum murmur vmbrarum audiet
                   Gracile caduca [mmmm] succrotillâ fabulâ.
                   Atque hinc Gigantum quæ lacertos insula
                   Confregit, & Typhonis artus querqueri,
690               Adusta flammis cùm mera excipiet rate:
                   Qua rex deorum informe [nnnn] clunarum genus
                   In risum eorum transtulit coloniam,
                   Qui prælium mouere Saturno satis.
                   Bæi magistri postmodò bustum, casas
695               Post præteribit Cimmerum, & Plutonium
                   Aquæ procellis fluctuantem gurgitem,
                   Ossan boumque [oooo] Viriati semitas
                   Stratas, nemusque Liberæ pulæ inferæ,
                   Candensque flammis flumen, atque vbi ætheri
700               Tollit cacumen ampla [pppp] procapes iugi:
                   Ex quo fluenta cuncta, cuncti funditus
                   Fontes per arua dissipantur Itala:
                   Linquensque Lethæonis alta culmina,
                   Lacumque Auernum, quem labro ambit circites,
705               Et flumen atra nocte Cocyti obrutum,
                   Stygis nigrantis gurgitem, quâ Terminus
                   Iuranda posuit iura supremis deis,
                   Ire in Gigantes atque Titanos parans:
                   Libamen haustrisque aureis antlans aquæ,
710               Orcæ dicabit & viro donarium,
                   Silam columnæ vertici appendens suam:
                   Et tres necabit filij Salaciæ
                   Pupas, camenæ matris æmulas soni,
                   Lactu insolenti præcipes è culmine
715               Pinnis caducas æquor in Tyrrhenicum,
                   Quacunque amari iura staminis trahent.
                   Vnam Phaleri turris eiectam foras
                   Glanisque capiet, flumine irrorans humum:
                   Quà pusæ acerram construentes incolæ,
720               Vitulatuum strepente Parthenopen sono
                   [qqqq] Solennia deam iubilabunt alitem.
                   At littus extans in Veniliæ deæ
                   Se corruens, cognominem Leucosia
                   Petram tenebit, qua fluens Is & ferox
725               Fluenta pingui Laris eructat solo.
                   Ligea agetur in Terenam fluctuans,
                   Sulcans procellæ murmur: illam nauitæ
                   Linquens sepiltam littorali cespite,
                   Aquis propinquam garrulis Ocinari.
730               Illam lauabit Corniger sogurgite,
                   Volucrimembris busta februans aqua.
                   Primæ sorores ante cognatas deæ
                   Classis vetustus imperator Atticæ
                   Certamen ardens lampadum nautis aget,
735               Iussis deorum, plebs quod augebit dehinc
                   Neapolitis, quæ prope vndantem sinum
                   Portus Miseni scrupeas ripas colet.
                   Claudensque Coros scorteo sinu bouis,
                   Et rursus actus casibus reciprocis,
740               Flagri trisulci verbere vstulabitur
                   Larus quiescens caprifici frondibus,
                   Ne gurges illum fluctibus deglutiat,
                   Imo Charybdin fundo anhelantem trahens.
                   Nec sat refectus nuptijs Atlantidis,
745               Rudem serilibusque sirpatum alueum
                   Intrabit audax, atque moderator reget
                   Ad media combæ caudicariam trabem,
                   Sutam infabrè compage subscudum rudi:
                   A qua acer Ambarualis expellens deus,
750               Implume quale pignus orbæ Alcedinis,
                   Ipsis agæis & foris simul, vagis
                   Merget procellis impeditum [rrrr] copulis.
                   Pontíque inerrans peruigil cubilibus,
                   Anthedonio erit contubernalis deo:
755               Alternus & sic mutuò vt piceæ librum
                   Caurus rotabit suber agitans spiritu:
                   Vix & procellas vorticésque Albuneæ
                   Defendet illi supparum, arma pectoris
                   Manuúmque, queis & ipse carnifices petra
760               Prendens, acutis membra lancinabitur
                   Scrupis: ad inuisámque Saturno insulam
                   Laniam profectus seculam [ssss] nefrondinum
                   Nudúsque egénsque garrulus tenebrio
                   Ficti latrabit fabulam infortunij,
765               Pendens acerbas coclitis monstri preces.
                   Non hîc veternus dormientem cœpiat
                   Obliuionis Equirium Melanthium:
                   Namque ibit ibit nauticum ad Rithri sinum,
                   Et Neriti cacumen: intuebitur
770               Vastos penates susque deque funditùs
                   Luxu procorum turpium. at [tttt] scrapta improba
                   Speciosè adulterata corrodet domum,
                   Luxu miselli absentis effundens opes.
                   Atque ipse ibidem plura quàm in Scæis mala
775               Videns famelicosus, à domesticis
                   Minas toroso tetricas dorso pati
                   Sannis repressus discet, & pauirier
                   Pugnis iniquis, [uuuu] friuolûmque iactibus.
                   Nec insueta flagra sunt: vberrima
780               Vibix manet Thoantis in tergis adhuc
                   Lentis betulis sculpta, quæ trico nocens
                   Siccis genis infligere exhortabitur,
                   Gratam libenter corpori insculpens notam,
                   Vt nescios supplantet oculatis malis
785               Hostes, querelis principem inducens senem:
                   Quem Bombylea vallis, & Temmicia
                   Infame nobis terra produxit malum,
                   Seruatus vnus nauitarum in patriam.
                   Postremò qualis larus angarius maris,
790               Salsaque murex corpus vnda exercitus,
                   Exhausta luxu Proniensium bona
                   Olim à Lacæna putida offendens lupa,
                   Portu relicto [vvvv] passus occidet senex
                   Coruus sub armis Neriti lucos propè:
795               Quem latere fosso cuspis incurabilis
                   Piscis necabit eculeo Sardoniæ,
                   Natúsque patris carnifex vocabitur,
                   Achillis ille consobrinus coniugis.
                   Post funus augurem Eurytan populus colet,
800               Et qui cubile Trampyæ celsum tenet:
                   In qua necabit Herculem rursus draco
                   Tymphæus in conuiuio, rex Æthicum,
                   Trahentem ab Æaco atque Perseo genus,
                   A Temeneis non procul natalibus.
805               Sed mortuum illum Perga mons Tyrrhenius
                   In Gortynæo condet vstrinæ situm:
                   Cum lacrumanter occidet propter malum
                   Natíque coniugísque, quam frater necans
                   Orcum secundus postuma via petet,
810               Cæsus sororis ense funesto gulam,
                   Glauconis Absyrtíque sobrinæ improbæ.
                   Hic tot ruinis tótque cumulatus malis,
                   Secundò adibit Ditem inexorabilem,
                   Cui nullus vnquam sudus arrisit dies.
815               O quàm tibi præstabat esse in patria,
                   Miselle, tauros vel colonum rustico
                   Iugare asellum sub coho cantherium,
                   Fictis furoris insolescenti dolis,
                   Quàm tot subire luctuum discrimina.
820               At anxius vir coniugem raptam expetens,
                   Et augurales omnium audiens notas,
                   Amore spectri peruagantis æthera,
                   Quæ non marina templa perscrutabitur,
                   Quæ non vaga lustrabit arua indagine?
825               Primò quidem Typhonios cernet specus,
                   Anumque saxo membra duratam aspero,
                    Nec non Erembum cognitas piscatibus
                   Ripas hiantes: atque adulteræ inclytum
                   Myrrhæ videbit oppidum, cuius vterum
830               Leuauit obstetricis arboris liber:
                   Et fleta multum busta Gauantis suæ
                   Heræ, Hospitali Viciæ Iugæ deæ:
                   Quem trux [wwww] bisetus dente cano concidit.
                   Arces videbit nec minus Cepheidas,
835               Nec non Camilli lubricum pulsum pedis,
                   Arasque duplices, quas dapis cupidine
                   Bocas subiuit, pro parata virgine
                   Hiante fauce corpus Aurigenæ vorans,
                   Rimantis exta masculi plumigradæ.
840               Messoris autem secula necabitur
                   Exenterato turpis orca viscere,
                   Mustelæ alumnos qui caballimilites
                   Ceruicimatris saxifrontis extudit,
                   Hominesque durans suetus à vestigio
845               Formare statuas inuolucro marmoris,
                   Sagax tricæcæ lucifur custodiæ.
                   Videbit æstu quæ rigantur iugera,
                   Asbysta flumina, atque humo stertentium
                   Cubas olentes, conquiniscens bestijs.
850               Quæ cuncta obibit propter Argiuiam lupam,
                   Triuiram puellam feminipuerperam,
                   Iapygumque adibit erro exercitum,
                   Ponetque donum virgini Feretriæ,
                   Ancile scutum & [xxxx] hirneam Temesiam,
855               Sponsæ nocentis cernuosque mulleos:
                   Sirínque adibit & Lacinia ardua,
                   In queis iuuenca consitum Feroniæ
                   Deæ Monetæ præparabit hortulum:
                   Et feminis lex semper indigenis erit
860               Cubitûm nouenum flere tertium Æaci
                   Et Doridis, fulmen duelli Martij,
                   Nec corpus auro perpolire [yyyy] vinulum,
                   Nec ferre membris delicata pallia
                   Sandice pictas, ideo quòd diuæ dea
865               Terræ cacumen muneratur arduæ.
                   Pugilísque tauri inhospitam certaminum
                   Arenam adibit, quem creat Libentia
                   [zzzz] Mancina, regnans arce Longuri edita,
                   Saturniam falcémque, Conchéæque aquas
870               Ventans, Gonusámque, atque Sicanum æquora,
                   Et templa crudi pelle muniti lupi,
                   Quæ quondam alumnus Crethei appellens ratem
                   Cum gente quinquaginta nautarum edidit:
                   Minyumque salsi ripa seruabit maris
875               Strigmenta, quæ nec diluet Venilia,
                   Nec abluentes imbricæ [aaaaa] ningues diu.
                   Ripæ sed alios atque Teuchiris iuga
                   Vicina flebunt, littore eiectos procul
                   Atlantis ad deserta territoria,
880               Membris nocentum lancinatos fragminum:
                   Mopsum Titæronem vbi olim nauitæ
                   Busto indidêre mortuum, & busto super
                   Statuêre cippum funebrem Argoæ trabis
                   Transtrum reuulsum, manium donarium,
885               Ausigda Cynnyphæa quod rigans aqua
                   Fecundat vndis. ast alumno Nerei
                   Tritoni Colchis munus vxor obtulit,
                   [bbbbb] Luræ capacis aureum carchesium,
                   Iter docenti quâ per angustas freti
890               Immittat aras Tiphys incolumem ratem.
                   Et iura Græcos Africæ capessere
                   Pontigena tunc biformis asseret deus,
                   Cùm munus id plebs offeret reciprocum
                   Libyssa Græcæ, patrijs pellens locis:
895               Metúque fati munus Asbystæ infera
                   Telluris vmbra subter ignotum obruent,
                   Vbi ducem miserrimum Cyphensium,
                   Nautásque ad vnum flabra Volturni egerent,
                   Et ex Palythris filium Tenthredonis,
900               Amphrysiensem principem Euryampium,
                   Et optimatem saxi corporis lupi,
                   Tymphrestiarum & rupium cacuminis.
                   Quorum quidem Ægonean alij patriam
                   Desiderantes atque Echinum & Titarum,
905               Irúmque, tum Trachina, tum Perrhæbicam
                   Gonum Phalanumque, atque Olossorum sola,
                   Et Castanean, insepultum in rupibus
                   Æuum supremis eiulabuntur malis.
                   Sic aliud alij funus adiunget Deus,
910               Dura ante reditus excitans discrimina.
                   Illum Æsari vnda, & oppidum minutulum
                   Oenotriæ, Crimissa, torris noxij
                   Stinctorem habebit, quem momordit excetra.
                   Namque ipsa summum diriget telum manu
915               Tendens [ccccc] tenum virago Mæoten Tuba.
                   Duræ ad fluenta qui cremato acerrimo
                   Leone, valgo dexteram armauit Scytha
                   Colubro, volantum [ddddd] pinsitore cuspidum.
                   Crathis sepulcrum sed videbit mortui
920               Ad ima templa Bitientis Patarei,
                   Vbi sonora stagna Nauæthus vomit.
                   Ipsum necabunt Ausones Pellenij
                   Opem ferentem Lindiûm prætoribus,
                   Quos Thermydri, quos Carpathi iugis procul
925               Vagos coruscus Thrascias mittet canis
                   Noui colonos hospitisque pulueris.
                   Ergo Macellis maximum templum incolæ
                   Busto struentes, numen æternum colent
                   Libisque, opimis & boum nidoribus.
930               Faber caballi Langariæ in cubilibus,
                   Timore Martis & cateruæ Thuriæ
                   Pendens parentis peierata crimina,
                   Quæ pecua propter comparata prælio,
                   Celsæ Comæthus dirutis [eeeee] prosimurijs
935               Ob coniugalis curæ amorem vxorium,
                   In Bellicam Cydoniam viraginem
                   Hic peierauit atque Crestones deum
                   Lupum Quirinum [fffff] Trossulum Flexuminem,
                   Qui torminosum prælium in fratrem dedit
940               Intra parentis intimam bulgam pugil,
                   Natale nondum lucis intuens iubar,
                   Nec liber à Partundæ adhuc laboribus:
                   Meticulosum auxêre sic fetum dei,
                   Cæstu valentem, in Marte [ggggg] lauricem tamen,
945               Et arte plurimum vtilem in castris sua:
                   Qui circa Cirin & Cylistarni humida
                   Habebit hospes patria procul domos,
                   Vbi dolabras, queis grauem molem ascians,
                   Illustre damnum fabricabit incolis,
950               [hhhhh] Molæ sacrabit in Cluacinæ tholo.
                   Alij tenebunt Sicanorum littora
                   Aborigines, quâ tres [iiiii] Alumento senex
                   Nautis puellas Phænodamantis dedit,
                   Seruans repostum mente Ceti prandium,
955               Porrò obsipare edacibus cœnam feris,
                   Vbi ad [jjjjj] crepuscos venerint Læstrygonas,
                   Quâ squalet alta inhospitalis vastitas.
                   Illæ parentis maximum donarium
                   Quinquertionis struxerunt templum deæ,
960               Morte expeditæ & solitarijs locis.
                   Quarum alteram Crimissus assimilis cani
                   Vinclo marito coniugabit, atque ea
                   Semifero alumnum nobilem pariet deo,
                   Trium colonum conditoremque vrbium:
965               Qui conuocatum termitem Anchisæ nothum
                   Ducet triquetram marginalem ad insulam,
                   E Dardaneis nuper aruis hospitem.
                        Heu heu Segesta, cælitum sententiâ
                   Te luctus atrox, te querela patriæ
970               Manet flagrantis ignis hostici rogo:
                   Tu sola [kkkkk] mœros, sola turres dirutas
                   Ad omne tempus lacrumata, sat diu
                   Sat eiulabis: omnis atrato miser
                   Cultu popellus inuolutus supplice,
975               Pedore deget [lllll] squale vitam sordidam,
                   Solóxque capitis terga fœdabit coma,
                   Memorem procurans veteris ærumnæ notam,
                   Multíque circa Sirin & Leutarniam
                   Colent opima culta, qua miserrimus
980               Grossorum acutus supputator est situs
                   Calchas, feritus vngulo caluum caput:
                   Qua fluctuosa murmurat fuga Sinis,
                   Rigans amena Choniæ noualia.
                   Vrbem hi struentes Ilio cognominem,
985               Iram Mineruæ Buccinæ accendent heræ,
                   Ad templa toruæ cum trucidabunt deæ
                   Quicunque ad aram supplices confugerant:
                   Purás que conniuebit illa pupulas,
                   Sæuis Achæis vapulantes Ionas
990               Videns, luporum & ciuicam agrestum necem,
                   Quando Camillus publicus flamen cadens,
                   Primus tepente sparget atam sanguine.
                   Itemque saxa plurimi Tullensia,
                   Nec non marini prominens Lini iugum.
995               Regnata adibunt arua priscæ Amazoni,
                   Emancipati feminæ seruæ iugo,
                   Quam seruientem strenuæ viragini
                   Vagam repellet vnda ad hospites sinus,
                   Exculpta cuius interemtæ lumina
1000             Leto cruento [mmmmm] mirionem fimium
                   Sternent, [nnnnn] trifaci saucium longurio.
                   Crotoniatæ ciuitatem diruent
                   Amazonis, fortem necantes virginem
                   Cletam, imperantem patriæ cognomini:
1005             Et inde terram mordicùs quamplurimi
                   Proni prehedent, nec laboribus sine
                   Lauretæ alumni mœnia æquabunt solo.
                   Alij Terenam, qua fluens Ocinarus
                   Recentat arua, februam eructans aquam,
1010              Errore [ooooo] lixabundi & ærumnis colent.
                   Sed & secunda laude pulchritudinis
                   Cluentem, & almis ex Lycormæis aquis
                   Fortem asperumque filium Gorgæ ducem
                   Modò Libyssam Thracia in terram ferent
1015              Flabella, tentis inuoluta linteis:
                   Modò ex Libyssa rursus Auster accidens
                   In Argyrinos versus & Ceraunia
                   Feret, sonanti turbine insultans salo:
                   Vbi victus illis durus exantlabitur
1020             Lacmonij qui flumen Æantis bibunt.
                   Ciués que capiet Crathis omnes Colchicis
                   Pollis propinquus Mylacúmque terminis,
                   Quoscunque misit quæritantes filiam
                   Ææ & Corintho, sponsus Eidyæ, imperans,
1025             Venans carinam perfidiæ sponsæ vehem:
                   Qui limpidum accoluere Dizeri alueum.
                   Melitem insulam alij non ab Orthrono procul
                   Vagi obsidebunt, quam iugosi plurimus
                   Circum Pachyni Sicanus lambit liquor,
1030             Arcem petrosam ruminans cognominem
                   Olim futuram Sisyphei filij,
                   Curitis etiam virginis splendens opus,
                   Quâ vomit Helorus frigerantem gurgitem.
                   Aui peremtor hirpus Orthronum incolet,
1035             Patrij procul fluenta Coscynthi expetens,
                   Et in procellis scrupeæ moli insidens
                   Classem imperabit nauigandam ciuibus.
                   Terræ paternæ námque non annum integrum
                   Perduellionis patria reum frui
1040             Sequetra iustæ furia vindictæ sinat,
                   Ladonis vdi larua roris accola.
                   Et inde vitans prælium anguiformium,
                   Abantiam pòst nauigabit oppidum,
                   Ventáns que propius terram Atitanensium,
1045             Ad littus ipsum culmen arduum incolet
                   Libans Polyanthei Chaonitæ flumina.
                   Calchantis atqui busta propter Itala
                   Fratrum duûm mendacis alter cespitis,
                   Tumulum sepultis excitabit ossibus:
1050             Bustumque ouillo vellere incubantibus
                   Veram in quiete [ppppp] dictionem proferet:
                   Salutiférque Daunijs vocabitur,
                   Cùm fluminis gens lota Iuturnis aquis,
                   Gnatum inuocabunt opitulum Æsculapij
1055             Gregi benignum ciuibús que accedere.
                   Hoc nempè cunctis lumen Ætolis erit
                   Ibi cruentum & omnium sæuissimum,
                   Quando Salanga rura & Angæsos sinus
                   Cùm venerint, ducis reposcent iugera
1060             Boni noualis sumen, aruum hæredium:
                   Quos ad sepulcrum solitarium obruent
                   Viuos hiantis in soli voragine,
                   Sepulcrum & ipsis insepultum Daunij
                   Statuent aceruo fornicatum saxeo
1065             Terram offerentes quam volebant sumere,
                   Cerebrisorbi filij apri bellici.
                   Sed filiorum Nauboleorum petent
                   Nautæ Temessam, qua iugosus Lampetes
                   Illustre cornu verticis Hipponij
1070             Salo tetendit: próque Crissæ finibus
                   Crotoniatem portuosum puluerem
                   Taurorum arabunt ferreis dentalibus,
                   Patriam Lilæan & Anemoreæ sola,
                   Amphissan & desiderantes atque Abas.
1075                  Setæa misera, rupium te crux manet,
                   Vbi numellis membriuincis ferreis
                   Misella passis compedita brachiis
                   MoriSre, heriles ausa classes vrere,
                   Ad Crathin eiulante questu volturum
1080             Rapina pendens, oscinum voracium:
                   Quin sortis ille mons tuæ cognominis,
                   Ponti procellis imminens, vocabitur.
                   Tamen Pelasgi ad alta Membletis vada,
                   Quicunque Corsicæ appulerunt insulæ,
1085             Tyrrhenicum vltra murmur ad Lametios
                   Lucana habebunt gurgites noualia,
                   Illos ruinæ duráque infortunia
                   Mæstos habebunt, non relaturos pedem
                   Propter mearum nuptiarum vim trucem.
1090             Nec qui penates gestientes pòst petent,
                   Vitulationis pinguia adolebunt sacra,
                   Redhostientes gratiam Lucretio.
                   Nam tot ruinis, tot malis Ericius,
                   Tot Martiorum coniugum ædituas nurus
1095             Dolis rotabit, nec malis nauifraga
                   Cessabit ignium excubans custodia,
                   Ob cæsi alimni fata, quem cespes recens
                   Effossus in tellure Methymnæ teget.
                   Ast alius ad lauacra inextricabiles
1100              Laquei nocentis cæcus explorans vias,
                   Scelestæ amictus inuolucro compede
                   Manibus requiret impeditus exitus:
                   Caueamque subter balnei vrinans, lacum
                   Cerebro recenter atque pollubrum irruet,
1105              [qqqqq] Scena bipenni dissitus medium caput.
                   At vmbra bulla peruolabit Tænarum,
                   Auersa [rrrrr] abominanda scraptæ munia.
                   Ego stabo propter nauiam iacens humu,
                   Diuisa aheneæ securis verbere,
1110              Cùm mî sapinum stipitem aut truncum ilicis
                   Frondator aliquis vt opifex lumarius,
                   Illustre collum franget & tergum patens,
                   Et omne acerba lancinans corpus cruce
                   Excetra dipsas imminens ceruicibus,
1115              Iras amaræ bilis explebit suas,
                   Vt nempe furto non adeptæ prælio
                   Muto dolore iura vindictæ ferens.
                   Surdis querelis coniugem clamans herum,
                   Curram repentè conuolans perniciter.
1120              Sed Vertagus parentis indagans necem,
                   Crudelis ensem merget extis viperæ:
                   Malum scelestum ciuicum sanans malo.
                   Sed vir meus, rex seruientis coniugis,
                   Lepidis coletur Spartiatis Iuppiter,
1125              Honorum adeptus Oebali natis vices.
                   Meus nec vltrà cultus ignorabitur
                   Obliuiosis obrutus silentiis:
                   Colentque templis optimates Daunij
                   Salpes ad oram, quíque seruant Dardanum
1130              Vrbem, paludis proximi voragini.
                   Sed & cauentes coniugale vinculum
                   Pusæ virorum tædio deformium
                   Comis recenter Hectoris nitentium,
                   Insignium formæ aut notis natalium,
1135              Aræ lacertis implicabuntur meæ,
                   Tædarum habentes acre propugnaculum,
                   Pullos amictus atque sucum corporis
                   [sssss] Lito gerentes vestium tectorio.
                   Illustre numen his ego longum dea
1140              Canar bacillos feminis gestantibus:
                   Luctumque multis virginum parentibus
                   Orbis relinquam retrò, quæ ducem impium
                   Deæ latronem militarem Cypridis
                   Diu gementes, excidentes nuptiis
1145              Mittent puellas sorte iniqua virgines.
                   Larymna. tum Sperchie, tum Boagrie,
                   Tû Cyne, tû Scarphea, vel Phalorias,
                   Vrbíque alta Narycea, vel Thronitides
                   Vici Locrenses, & Pyranthia ardua,
1150              Nec non Hodœdocea tecta Oilei,
                   Vos ob mearum nuptiarum crimina
                   Pœnas Mineruæ scilicet magnæ deæ
                   Soluetis, annos mille virgines anus
                   Vrnæ nefastis nutrientes sortibus:
1155              Queis insepultum semper in terra hospite
                   Hospes sepulcrum distrahetur fluctibus,
                   Cùm membra cremiis vstulans infamibus,
                   Cinerem procellis ventilabit Mulciber
                   Columbæ ab altis interemtæ montibus.
1160              Aliæque noctu mortuis simillimæ
                   Campos adibunt virginis Sithoniæ,
                   Cæcas ocellis aucupantes semitas,
                   Augusta Diuæ dum penetrent atria,
                   Votis cientes supplices Duelliam:
1165              Magnæque verrent aream scopis deæ.
                   Et rore spargent, iam cauentes ciuici
                   Furoris æstum. nam vir omnis Ilij
                   Seruabit illas, saxeum [ttttt] rodus tenens,
                   Aut æneam secespitam, aut bupetiam
1170              [uuuuu] Acierim acutam, vel Phalacræam rudem,
                   Manum studens satiare ieiunam necis.
                   Impunè tunc plebs laude noxium offeret
                   Genus necantem, lege sanciens rata.
                   O mater, ô misella mater, nec tua
1175              Laus interibit: quin virago Persei
                   Triformis Orca te canem per noctibus
                   Sæuam efferabit in viros nictatibus,
                   Quíque imperantis Strymoni Caniculæ
                   Delubra flammis non colent ardentibus,
1180              Pheræam opima cæde placantes deam.
                   Sed busti inanis insulare cespitem
                   Pachyni habebit culmen, ex insomniis
                   Heri timentis excitatum dextera,
                   Ad purum Helori funeratæ marginem:
1185              Qui functæ in oris inferet libamina,
                   Triuiæ furorem scilicet timens deæ,
                   Quòd primus audens saxei iactus nefas,
                   Orco præibit dux inhumani sacri.
                   O frater, animæ plurimùm frater meæ
1190              Dilecte, fulmenta ædium atque patriæ,
                   Non frustrà tauris imbues altaria
                   Cæsis, tenentem Ophionis sedilia
                   Mactans opimo victimarum munere.
                   Sed rura te vectabit in natalia,
1195              Græcis vigentem rura adepta gloriam,
                   Vbi palæstram docta mater Latia
                   Olim imperantem Tartaro trudens anum.
                   Furtiua soluit vincla partitudinis,
                   [vvvvv] Gumiæ mariti pullimanducas cauens
1200             Epulas nefandas, nec saginauit dape
                   Aluum, faceta glutiens saxum vice
                   Suffarcinatum in mollibus cunabulis,
                   Prolis sepulcrum triste semiferus suæ.
                   Quin templa habebis insulas que [wwwww] Manium
1205             Verruncus auræ pestilentis Indiges,
                   Vbi obsecutus Ogygi poplos satus
                   Oraclo Apertæ Lepsij Terminthei,
                   Ex Ophryneis te sepulcretis agens,
                   Arcem ad Calydni ducet & terram Aonum,
1210              Leuamen acre, cùm tumultus hosticus
                   Vastabit arua & Teneri donaria.
                   Sed & [xxxxx] sufetes victimis Ectenij
                   Tuam fouebunt vt deorum adoream.
                   Et Cnossium adibit atque Gortynis domos
1215              Meæ ruinæ luctus, & caduciter
                   Ducum lababunt tecta: non enim innocens
                   Lembum biremem nauta piscator regit,
                   Leucum sequestrem regiæ ductans dolo,
                   Odiumque cæcis implicans mendacijs:
1220             Nec ille parcet liberis, nec coniugi
                   Medæ, furoris æstubus mentem auius,
                   Non Clesitheræ filiæ, cuius pater
                   Draconi alumno sponte nuptias dabit:
                   Omnesque cruda cædet in sacris manu
1225             Cereris [yyyyy] fauissis, saucios crudeliter.
                   Decusque auitum illustre progenij meæ
                   Magnum nepotes efferent in posterum,
                   Coronam adepti prælijs perduellium,
                   Terræ marisque ius tenentes principes:
1230             Nec mentione postuma nomen carens
                   Celabis altis in tenebris, patria.
                   Tales relinquet consobrinus duplices
                   Meus leones, maximum Romæ genus,
                   Gnatus venustæ Vorticordiæ, cluens
1235             Mentis, nec acri pœnitendus prælio.
                   Rhæcelon vrbem qui prius ventans colet
                   Cissi ad supremum culmen, & Laphystias
                   Cornu rigentes feminas: Halmopia
                   Rursum exeuntem quem manet Turrenia,
1240             Tepente Lynceus & redundans agmine,
                   Et Pisa, pecorosa atque Agylles pascua,
                   Miscebit hostis quocum amicum exercitum,
                   Adigens sacramento atque [zzzzz] supplicijs precum,
                   Erro latentes Nanus indagans vias
1245             Terræ marisque: tum simul nati duo
                   Mysos regentis (cuius auertit deus
                   Vitisator hastam, membra vineto implicans)
                   Tarchonque tum Turrenus, immanes lupi,
                   Sanci ferentes Herculis primordia,
1250             Vbi refertam [aaaaaa] glisceram mensam dapum
                   Tandem voratam conspicatus asseclis,
                   Oraculorum fiet antiquûm memor,
                   Pinguique sub Aboriginum solo struet
                   Vltra Latinos atque Daunios sitas
1255             Turres, alumnis fabricans numero pares
                   Scrofæ nigellæ, quam ab Idæis iugis
                   Et Dardaneis collibus ductam aueher,
                   Quæ tot nutriuit his pares numero sacres:
                   In vrbe cuius ponet vna imaginem
1260             Sigillo aheno, delicosque grundules.
                   Et æde structa Myndiæ Pallenidi,
                   Delubra ponet patriorum præstitum,
                   Quæ sola, spreta uxore, spretis liberis,
                   Alijsque [bbbbbb] copum rerum opimitatibus,
1265             Tandem senili cum parente præferet
                   Velans amictu, cùm canes duellici
                   In cuncta spolia sortientes patriæ,
                   Soli huic ab ipsis ædibus prædam offerent
                   Et munus expectare quod cordi fuat.
1270             Sic visus etaim perdueliibus pius,
                   Multum cluentem laude belli patriam,
                   Recidiuam & ipsam deseret nepotibus
                   Vrbem, suprema iusta Circæi iuga,
                   Et trux [cccccc] Maricæ littus, atque Argûs ratis,
1275             Phorcæ paludis Marsionidis lacum,
                   Titoniumque flumen, arcanis humum
                   Rimans opertas in vias canalibus,
                   Cacumen & Zosterium, qua virginis
                   Faunæ Sibyllæ scrupeum specus patet,
1280             Pendente tofi fornicatam pumice.
                   Tot execranda tanta perferent mala,
                   Meæ parabunt qui ruinas patriæ.
                        Quid enim parenti maximi Promethei
                   Commune magni matre cum Sarpedonis,
1285             Quas pontus Helles, quas petræ Symplegades,
                   Quas Salmydissus, quas inhospitus liquor
                   Scythis propinquus rupium arcet obiice,
                   Tanaísque nullo gurgitum contagio
                   Mediam paludem dissecans, gratam incolis
1290             [dddddd] Algum & pedarum perniones flentibus?
                   Vt primò pereant Carnij nautæ canes,
                   Qui fronte [eeeeee] roba tauriformem virginem
                   RapuSre Lernes institores improbi,
                   Sposam ruinas ferre Memphiti duci,
1295             Odij mouentes signa vtrique littori.
                   Namque & rapinæ contumeliam grauem
                   Florentis Idæ expostulantes incolæ
                   Curetes, extulSre captiuam bouem
                   Paronis intra taurifrontis alueum
1300             Sarapiensem coniugem ad donaria
                   Dictæa Cretes Stellioni principi.
                   Nec visi habere sat ferentes par pari:
                   Ductore Teucro sed rapacem exercitum
                   Teucri Scamandro cum parente Draucio
1305             Misêre ad alma Bebrycum noualia,
                   Bellum ferentes muribus: quorum satu
                   Generis creasti, Dardane, autores mei,
                   Ducens puellam Cressam, Arisbam nobilem.
                        Secundò item misSre furaces lupos,
1310              Vt vniplotio vellus auertant duci,
                   Obseruat acri quod draco custodia:
                   Qui cum Cytæam venerit Libysticam,
                   Et quadrinarem sopiens offa boam,
                   Vomentium ignes presserit dentalia
1315              Vrua [ffffff] italorum, elixus immiti rogo,
                   Non abstulit libenter aruigi cutem,
                   Sed & bidentem sponte sectantem auferens,
                   Hostemque fratris & nouercam liberûm,
                   Picæ ad loquacis alueum aurigans tulit,
1320             Humanum ab altis Chaoniticis sonum
                   Transtris loquentis, & peritæ currere.
                   At rursus antro qui reuulsit mulleos,
                   Amentum & ensis, baltheum, atque ensem patris,
                   Cui Scyrus olim lacrumosa funera
1325             Præcipitis infra stridulum vmbonem iugi
                   Saltus parabit insepultos, [gggggg] Phemipor,
                   Mystæ comes leonis, hosticæ deæ
                   Qui mulsit vber lacteum Feretriæ,
                   Fur balthei, litem excitauit duplicem,
1330             Cestum reuellens, & Themiscyræ inclutam
                   Arcu potentem Porrimam ciuem auferens:
                   Cuius sorores virgines Neptunides
                   Erim atque Lagmum deserentes, Telamum,
                   Fluenta Thermodontis atque Actæ iuga,
1335             Pœnas rapinas quæsitantes asperas,
                   Istri [hhhhhh] vls sonantem gurgitem citas equas
                   Egere, hiantes [iiiiii] horritorem oris sonum
                   Græcis, vetusti filijsque Erechthei.
                   Omnemque duro Marte vastarunt agrum,
1340             Igne vstulantes patrimonia Mopsopi.
                   Meusque campos Thraciæ populans auus,
                   Terramque Eordam, tum Galadræum solum,
                   Peneum ad amnem panxit arui terminos,
                   Iugum in catastis imprimens ceruicibus,
1345             Virtute præstans iuuenis & forma suis.
                   At hæc bubulcum suppetias pro tot malis
                   Cudoniuestem sexque nauium ducem
                   Mittens, ligone celsa fodit mœnia.
                   Eum Moneta vorticordia cœtibus
1350             Deûm sacrabit, causa princeps luctuum.
                   Rursus Timolum deserentes voltures
                   Et Cimpson, aureúmque Pactoli sinum,
                   Et aquas paludis, cuius in cubilibus
                   Typhonis vxor aspero toro incubat,
1355             Agyllan Ausonitin intrarunt, grauem
                   Sæuis Liguribus, quíque primo Sithonum
                   Duro gigantum sunt creati sanguine,
                   Certamen acris conserentes prælij,
                   Pisámque capiunt, & relinquunt omnia
1360             Prædam duelli iugera, Vmbris finibus
                   Propinqua & Alpium iugosis arcibus.
                        Litem supremus fomes antiquam excitat,
                   Olim sepultos ignibus animans rogos,
                   Postquam Pelasgos haurientes Rhyndaci
1365             Conspexit vrnis in peregrinis aquam.
                   Lymphata at illa efferatis æstubus
                   Triplamque quadruplámque vindictam inferet,
                   Magnis ruinis littus aduersum impetens.
                   Aderitque primus hic Ioui Lapersio
1360             Cognominisque & Fulguritor Iuppiter,
                   Telis trisulcus hosticas flamans domos:
                   Quicum ipsa moriar, inque mortuis vagans
                   Tunc audiam illic illa quæ post eloquar.
                   Sed & secundus, interemti filius
1365             In rete muti piscis immiti modo,
                   Terram cremabit hospitem Medici dei
                   Oraculis cum multilingui exercitu:
                   At rege lignatore tertius satus,
                   Figulam recenter virginem Branchesiam
1370             Glebam solutam flumine inducens sibi
                   Terrestre egeno munus optanti dare,
                   Libro sigillum quod fuisset [jjjjjj] conduli,
                   Montana Phthirum regna solus incolet,
                   Peditem retundens Cara mercenarium:
1375             Petulca cum [kkkkkk] nonaria [llllll] eugium terens
                   Nictabit olim nuptias, catulliens
                   Turpi suburræ barbarorum nubere.
                   Quarti Dymantis sanguine à veterrimo,
                   Lacmonijque, tum Cytinæi, & Codri:
1380             Qui Thingrum habebunt & cacumen Satnium,
                   Et marginalem pristini peninsulam
                   Empantæ Educæ plurimùm inuisi deæ,
                   Patris virosæ multiformis scraptiæ,
                   Quottidiano quæ libidinis lucro
1385             Miseri lupinam patris expleuit famem,
                   Extremam arantis terram Edonis hospitem.
                   Ast vltor acer Phryx necis sororiæ
                   Rursus nutricem continentem diruet
                   [mmmmmm] Parici opaci. iura sincerissuma
1390             Reddentis arte contumace [nnnnnn] pluribus:
                   Lalisionis quíque ab appendicibus
                   Onus retundens, aurem honestabit suam,
                   Muscis timorem sanguisorbis adferens:
                   Cui cuncta Phlegræ terra capta seruiet,
1395             Thrambusiumque culmen, atque cæruli
                   Rupes Titonis, atque Sithonum plagæ,
                   Palleniumque iugerum, quod corniger
                   Rumon saginat, lixa gentis accolæ.
                   Multas vicissim concitabit lacrumas
1400             Quirinus aut Gradiuus, aut quem dixeris
                   Ligurrientem pota cæde prælia.
                   Sed non quiescet sic parens Promethei,
                   Sed pro vniuersis stirpis vnum Persei
                   Mittet gigantem, cui via nare hospitum
1405             Erit pedestri, & terra nauigabitur
                   Tonsis secanti rura. tunc Feretriæ
                   Domus Quirinæ tota flagrans ignibus
                   Cùm mœniorum ligneo [oooooo] procestrio,
                   Faunum vocabit pestis autorem, augurem
1410              Mendaciorum, Februíque antistitem.
                   Crudæque genti cuncta mandetur simul
                   Deglubra duplici delibrato cortice
                   Mansueta nutrix fructuum, atque arbos fera:
                   Exhaurietur omnis vnda fluminum
1415              Sitis calores affatim extinguentium:
                   Nubes sagittis eminus stridentibus
                   Super caput crebrescet, vtque Cimmeræ
                   Obnubet vmbræ squalor obnubens iubar.
                   Qualis Locrensis non diu viuax rosa,
1420             Et cuncta vastans velut aprica stramina,
                   Rursus feretur in pedes reciprocus,
                   Natantis alni caudicem: vt crepusculi
                   Puella serum, mobili visu legens,
                   Aheneo latronis ense territa.
1425             Multi labores, multa belli funera
                   Erunt virorum, nunc grauis certamina
                   Ob sceptra regni fortiter certantium,
                   Nunx exaratis in boum noualibus:
                   Dum crudus heros sopiat bellum graue,
1430             Ab A eco atque Dardano ducens genus,
                   Thesprotus vtrunque & Chaladræus leo:
                   Omnem & supinans fratris euersam domum,
                   Formidolosos cogit Argiuos duces
                   Ditis Chaladræ sæuum adulari lupum,
1435             Et sceptra prisci principatus tradere.
                   Cui sexta iam post sæcla cognatus meus
                   Manus feroces conserens quinquertio,
                   Terræque aquæque non recusans sagmina,
                   Inter sodales hic eluet veterrimus,
1440             Partas duello primitu exuuias ferens.
                        Quid misera longum tempus in surdas petras,
                   Surdas procellas, irritas cautes loquor,
                   Sonos inanes oris incassum ciens:
                   Nostram abrogauit Nuptus antiquans fidem,
1445             Rumore vano veriuerbium illinens,
                   Mentemque certæ dictionis augurem,
                   Passus repulsam quorum amabat assequi:
                   Veram esse faciet: & malo edoctus suo
                   Quis, quòd iuuandi patriam nulla est via,
1450             Carmentam abundè hirundinem laudauerit.
                   Tantum locuta est, & reciproco pede
                   Rectà petebat carcer, arque in pectore
                   Sirenis expirauit vltimos modos
                   Clari sacerdos, atque Nesus filiæ
1455             Augur satelles, quale Picatum loquax
                   Monstrum, inuoluta verba lime tinniens.
                   Ego implicatum nunciaturus tibi
                   Veni furentem virginis [pppppp] Fatuæ sonum,
                   Cùm sim locatus saxeæ custos domus,
1460             Narrare cuncta, tum putare singula
                   Iussus, loquelæ nuncius volubilis.
                   In melius autem Dius istæc omina
                   Vortat, tuo qui tutor assidet solo,
                   Priscam tuens possessionem Bebrycum.

                   FINIS



[a] Fatidica.

[b] Oraculorû, Pacuu.

[c] Senê, Varr.

[d] Petra.

[e] Funes, Plau.

[f] Mare, Pacu.

[g] Foraminibus quibus inserûtur remi.

[h] Vela, Suidas.

[i] Nauibis.

[j] Festus.

[k] Calido, Fest.

[l] Siculi.

[m] Pro extinxit, antiquè.

[n] Voratricem.

[o] Parcam.

[p] Veribus vsti, Plaut.

[q]  Ephebum.

[r] Ignauum, Plaut.

[s] Venerem.

[t] Nili, Fest.

[u] Meretricis, Plaut.

[v] Clauda, Fest.

[w] Gladiû, Fest.

[x] Petram.

[y]  Ineluibile.

[z] Albæ, Fest.

[aa] Adûcæ, Fest.

[bb] Accipitris.

[cc] Medeæ.

[dd] Calido cinere.

[ee] Ventosis.

[ff] Grauidam.

[gg] Anû, Varr.

[hh] Annos.

[ii] Funibus.

[jj] Apollinis epitheton.

[kk] Referens, Fest.

[ll] Malis asperis, Fest.

[mm] Funê, Fest.

[nn] Colûnæ cæli, Varr.

[oo] Infaustæ, Fest.

[pp] Puerorum, Fest.

[qq] Lapide, Fest.

[rr] Capsa, Catull.

[ss] Supinus, Lucil.

[tt] Vestigij, Fest.

[uu] Hastarum spiculis, Enn.

[vv] Solum.

[ww] Hasta, Fest.

[xx] Iliceta, Fest.

[yy] In qua se vertit trutina, Fest.

[zz] Massæ.

[aaa] Terrâ, Fest.

[bbb] Spacio.

[ccc] Confertim, Fest.

[ddd] Proceres.

[eee] Circulum.

[fff] Obstetricis.

[ggg] Mactator.

[hhh] Cultro, Fest.

[iii] Capillis, Fest.

[jjj] Virgo, antiquè.

[kkk] Cœlo, Hetruscè, Fest.

[lll] Fulmina.

[mmm] De cœlo tactos, Fest.

[nnn] Saxa, Virg.

[ooo] Conuicio.

[ppp] Lapidis, Prisc.

[qqq] Plutonis.

[rrr] Parcis.

[sss] Flagello, Fest.

[ttt] Pro, iuxta, antiquè.

[uuu] Telis, Enn.

[vvv] Hamadryadis nymphæ.

[www] Immoto.

[xxx] Robusti.

[yyy] Pro nubibus, Enn.

[zzz] Accipiter, antiquè.

[aaaa] Aries.

[bbbb] Tauros, Plaut.

[cccc] Ferient.

[dddd] Alimenta.

[eeee] Nili, Fest.

[ffff] Possessionem.

[gggg] Prò extruet, antiquè.

[hhhh] Ingerente, Fest.

[iiii] Cœstro.

[jjjj] Spicas, Fest.

[kkkk] Lapide, Enn.

[llll] Scyphum, Fest.

[mmmm] Tenui voce, Titin.

[nnnn] Simiarum, Fest.

[oooo] Robusti, Non.

[pppp] Radix, Fest.

[qqqq] Solenniter.

[rrrr] Rudentibus, Cæsar.

[ssss] Testiculorum, Fest.

[tttt] Meretrix, Varr.

[uuuu] Fragmentorum fictilium, Fest.

[vvvv] Rugosus.

[wwww] Aper, Fest.

[xxxx] Pateram.

[yyyy] Molle, Plaut.

[zzzz] Mancæ.

[aaaaa] Niues, Lucret.

[bbbbb] Oris, Fest.

[ccccc] Funê, Plau.

[ddddd] Expulsore, Enn.

[eeeee] Pomerijs, Fest.

[fffff] Equitem.

[ggggg] Leporem.

[hhhhh] Martis, Gell.

[iiiii] Laomedô, Fest.

[jjjjj] Occidentales, Varr.

[kkkkk] Muros, antiquè.

[lllll] Pro squalore.

[mmmmm] Deformem.

[nnnnn] Tricubitali hasta, Fest.

[ooooo] Vagi.

[ppppp] Oraculum, Pacuu.

[qqqqq] Dolabra, Liu.

[rrrrr] Scelerata, Titin.

[sssss] Vncto.

[ttttt] Lapidem, Atti.

[uuuuu] Securim, Fest.

[vvvvv] Voracis.

[wwwww] Beatorum.

[xxxxx] Optimates, Calid.

[yyyyy] Cellis, Gell.

[zzzzz] Supplicationibus, Fest.

[aaaaaa] Crescentem.

[bbbbbb] Copiosarum.

[cccccc] Circes.

[dddddd] Frigus.

[eeeeee] Rufa, Fest.

[ffffff] Boum, Fest.

[gggggg] Phemij puer: sic Marcipor, Fest.

[hhhhhh] Vltra, Cato.

[iiiiii] Hortatorem, Diomed.

[jjjjjj] Anuli, Fest.

[kkkkkk] Meretrix.

[llllll] μένα.

[mmmmmm] Iudiciis, Fest.

[nnnnnn] Mortuis.

[oooooo] Ambulacro, Fest.

[pppppp] Fatidicæ.